Posts Tagged ‘ridetu’

IMAGU

Knabeto dum ludado per biciklisto-pupo image eniras en mondon de arte-luda biciklado.

Esperanto estas multe pli valora ol speco de malangla aŭ identecofonto de supozata “popolo”

 

Bildo

 

Mi kundividas plurajn elementojn el la interesa analizo de Trevor Steele (LOdE, 2011, №11), sed ne lian konkludan miksaĵon de iom da raŭmismo kun speco de milda finvenkismo celanta teni Esperanton viva ĝis la mondo maturiĝos por ĝi.

Ja veras ke antaŭ longe estis tempo en la historio de la tutmonda socio kaj ĝia lingva sistemo, kiam ankoraŭ eblis imagi iomajn ŝancojn ke konstruita interlingvo povus ĝui ĝeneralajn agnoskon kaj enkondukon kiel pli racia kaj justa ilo por plenumi la kreskantan bezonon je internacia lingvo. Inspiritaj de tiu nobla idealo, dum pluraj jardekoj multaj esperantistoj pene strebis atentigi la mondon pri ties “lingvoproblemo” kaj pri Esperanto kiel taŭga solvo por ĝi, bedaŭrinde kun tre limigitaj atingoj en tio.

Dume tamen, nek planite nek atendite, la mirindaj trajtoj de Esperanto mem kaj la intensaj agemo, kreemo kaj kunkonstruemo de la homoj vivigintaj ĝin sukcesis doni al la ĝenerala ideo “lingvo por internaciaj rilatoj” pli konkretan, fakte tute Zamenhofan enhavon, nome plej diversajn interhomajn rilatojn trans ĉiuj baroj.

Malgraŭ tiu etskala fenomeno, tra kompleksaj historiaj procezoj, ĉefe sed ne nur klarigeblaj per imperiisma lingvopolitiko kaj la tutmonda merkatigo de ĉio ekzistanta, estis la angla lingvo kiu iĝis pli kaj pli reganta en la uzoterenoj kiujn la esperantistoj de antaŭaj generacioj kredis “nature rezervitaj” por la iam triumfonta Esperanto (scienco, komerco, turismo, ktp). Tiu evoluo, rapide akceliĝinta dum la lastaj du jardekoj, ja havas ege maljustan flankon, sed ĝi iĝis fakto de la nuna mondo kaj ties komunikteknologia revolucio.

Do, en tiel profunde ŝanĝiĝinta scenejo, Grigorij Arosev (LOdE, 2011, №10) tute pravas je tio kion li diagnozas kiel “malaltiĝo de la valoro de Esperanto kiel internacia komunikilo”, laŭ la kriterioj kiujn la tradicia Esperanto-propagando antaŭe emfazis kiel ĉefaj allogaĵoj de nia lingvo (kontaktoj en aliaj landoj, ktp). Li ankaŭ agnoskas ke la homoj prave emas lerni pli utilan fremdan lingvon ol Esperanton.

Fronte al tiu nuna procezo, ĉe ni estas iuj kiuj opinias tiujn lernantojn de la angla nur pasivaj viktimoj de la cirkonstancoj aŭ malkuraĝaj submetiĝemuloj, kaj insistas ke la ĉefa ekzistokialo de Esperanto plu restas batali kontraŭ la uzado de nacia lingvo kiel internacia lingvo (“hieraŭ la franca, hodiaŭ la angla, morgaŭ la ĉina”). La sole inda motivo subteni Esperanton estus do la morala respondeco rezisti la potencorilatojn kiuj nun privilegias la anglan lingvon.

Ja tiu David-kontraŭ-Goliata, epopea sinteno estas forte alvoka, sed mi timas ke per tio la plej radikalaj finvenkistoj fakte ŝarĝas la porEsperantan agadon per absurde tropostula eksterproporciaĵo, kies sola efiko verŝajne estas ŝajnigi nin marĝenaj kontraŭemuloj, strangaj defendantoj de malvenkinta iluzio, ne plu sencohava. Se ni emfazas tiun bildon de heroa rezistmilito kiel ĉefan motivon por lerni Esperanton (ĉar ĝi estus la sole vere inda por plenumi la rolon de internacia lingvo, male al la uzurpanta angla) ni plu fremdigos la ceterajn homojn disde nia tamen ja liberiga, emancipa fenomeno.

Esperanto ja estas ilo por ŝanĝ(et)i la mondon, sed eble ne tute precize laŭ tiu ekstreme ambicia programo, al kies venkoŝanco komplete mankas kredindeco. Multo estas jam atingita (eĉ se je modesta skalo), ke danke al Esperanto multe da bono okazis al konkretaj homoj en pluraj generacioj, tiel ke ĝi daŭre fascinas novulojn kaj trovas novajn terenojn, dum ĝi riĉigas la vivon de tiuj trovintaj ĝin.

Ĝuste la dogma misiemo ŝajne emas senvalorigi preskaŭ ĉion de la reala Esperanta vivo, ĉar ĉio tio (la amikiĝoj, la libroj, la muziko, ktp) estus aŭ kromefiko aŭ nura sinindulgemo, eble iom interesa sed ne la “vera” celo de Esperanto kaj do deflankiga, malŝpara de tempo kaj energio.

Ĉi-rilate, mi opinias ke la Manifesto de Raŭmo (1980) trafe kaj tre kuraĝe esprimis siatempe kritikon al iuj ne plu utilaj mitoj en la Esperanto-agado (dua lingvo por ĉiu / la angla lingvo estas nia malamiko / UN devas adopti Esperanton) kaj prave emfazis la indecon disvastigi Esperanton por realigi ĝiajn pozitivajn valorojn (sendiskriminaciaj kontaktoj inter ordinaraj homoj, novtipa internacia kulturo, ktp). Ĉu tamen la vera raŭmismo havis la apenaŭan kulturflegeman karakteron kiun atribuas al ĝi iuj finvenkistoj?

Mi konfesu ne multe interesiĝi pri iu supozate distinga, specifa Esperanta kulturo, sed pri la aspektoj tiel universalaj kiel plurece apartaj de la homara kulturo, kiuj ne hazarde ankaŭ trovas Esperanton por sin esprimi. La milda tropo uzita en tiu manifesto pri la esperantularo kiel “mem elektita diaspora lingva minoritato” estas bela, sed povus esti miskomprenata kiel apartiganta nin disde la ceteraj homoj, kvazaŭ estus io esence speciala en la fakto esti esperantulo.

Lastatempe mi emas nomi “plivastismo” la reale ekzistantan sintenon kiun mi rekonas ĉe multaj esperantuloj (kiel mi mem). Temas pri homoj kiuj amas Esperanton, elvivas ĝin kiel gravan eron de sia vivo, opinias ĝin valorega praktika ilo de tuthomara, tergloba konscio sur/per la plej homa trajto (la lingvo), kaj eventuale provas diversmaniere kontribui al ĝiaj prestiĝo, videbligo kaj pluvivigo, ankaŭ de ties organiza branĉo (UEA, ktp). Samtempe tamen, malgraŭ la severa admono de iuj finvenkistoj, ili permesas al si ĝui la intense homigan rolon kiun Esperanto ludas en siaj respektivaj vivoj (per kultura kreado, intelekta stimulo, diversspecaj emocioj, egaleca amikiĝo kun aliaj homoj, alternativa ŝatokupo, ktp) kaj samtempe kelkaj el ili faras kion ili povas por malferme inviti aliajn homojn kunkonstrui tiun ĉi novspecan fenomenon kaj fari ĝin eĉ pli ampleksa, pli plureca, pli interesa. Oni sincere bonvenigas ĉiun ajn iniciaton iel ajn kontribuantan al la plivasteco de tio atingita de Esperanto, ekzemple, la esperantigo de sciencaj verkoj aŭ la kreskanta ĉeesto de esperantuloj en sociaj retoj kiel Facebook. Temas pri sinteno kiu atribuas valoron al ĉio ajn kio jam nun helpas pligrandigi kaj pliriĉigi nian mondeton Esperantujo.

Kiel tre speciala homa kaj fakte homiga iniciato, la motivoj okupiĝi pri Esperanto evoluas kaj estas plurecaj, kiel ĉio homa.

José Antonio Vergara

Fonto: La Balta Ondo 

TITIKAKA – LAGO – EN PERUO/BOLIVIO

La originala filmo en Esperanto pri lago Titikaka
Filmdokumento de Verda Stacio

LA PERDITA URBO MAĈU PIKĈU – PERUO

Originala filmeto en Esperanto
Produktis Verda Stacio

Katalin Kovats parolas pri edukado.net ĉe la AAIE

Distancprelego pri edukado.net helpe de “Hang out” de Guglo dum la kunsido de AAIE (Usono), en junio 2012.
Kvankam la prelego rilatas al la stato de la retejo en 2012, sed multaj aferoj, menciitaj en la prelego estas ankoraŭ utilaj, povas esti interesaj.

SUNO SUNU


Publikigita 01/03/2012 en YouTube
“Suno sunu” estas infana kanto, Kiu, kune kun la 13 Aliaj kantoj de la disko “Jomo friponas”, akireblas nur CE:
http://www.vinilkosmo-mp3.com
Ja la tuta disko-STOKO detruiĝis CE La Incendio okazinta en la Eldonejo VINILKOSMO.
La Plaça filmado, kun la kvinjaraj infanoj kiel protagonistoj, okazis en la lernejo “Fuente de la Salud” de Santander (Hispanio), danke al la sindona kunlaboro de la instruistino Mariluz Mora.

Jen la kanto-teksto:

Suno sunu, Luno lunu,
homo amu la Naturon.
Suno sunu, Luno lunu,
homo FIDU la futuron.

La infanoj amu bestojn
estu ĝojaj, faru festojn.
La infanoj SIRMU Teron,
CIAM diru nur la veron.

Suno sunu, Luno lunu,
homo amu la Naturon.
Suno sunu, Luno lunu,
homo FIDU la futuron.

La infanoj faru rondon
kaj ekkonu tutan mondon.
La infanoj laute Kantu,
novajn arbojn CIE Plantu.

Suno sunu, Luno lunu,
homo amu la Naturon.
Suno sunu, Luno lunu,
homo FIDU la futuron.

La infanoj amu bestojn
estu ĝojaj, faru festojn.
La infanoj SIRMU Teron,
CIAM diru nur la veron.

Suno sunu, Luno lunu,
homo amu la Naturon.
Suno sunu, Luno lunu,
homo FIDU la futuron.

La infanoj faru rondon
kaj ekkonu tutan mondon.
La infanoj laute Kantu,
novajn arbojn CIE Plantu.

La infanoj faru rondon
kaj ekkonu tutan mondon.
La infanoj laute Kantu,
ne militu, esperantu.

Lernu.net: tie la tuta mondo lernas Esperanton!

Reklam-video pri Lernu.net. Diskonigu inter viaj amikoj!

LA SKALO DE LA UNIVERSO

Ĉi tie nun vi havas interesan ilon por skale koni malgrandecon de Kvantuma Saumo ĝis grandegecon de la observebla universo.
universa skalo

Bonvolu, premu la bildojn aŭ la plej suban retligilon por ekkomenci vian vojaĝadon. Antaŭ vi malfermiĝos fenestro por ke vi elektu lingvon, inter ili kompreneble troviĝas Esperanto.
Sekve oni vidas  gvidfenestron kie  legeblas pri la facila uzado de la skalmontrilo:
1.Sufiĉas ke vi uzu la rulumskalon por zomado kaj malzomado.
2.Ankaŭ vi povas klaki sur la bildojn kaj legi klarigon pri ili.

skalo de la universo komenci

LA SKALO DE LA UNIVERSO

AMUZA DEMANDOLUDO

Respondu la demandojn pri la bildo.

Vi havas po unu minuton por respondi kiel eble plej multajn demandojn. La ludo ekkomencas se vi premas la verdan flageton.

Por respondi klaku sur la ruĝajn sagojn maldekstre de la respondoj.

En ĉi tiu versio estas kvar bildoj kaj demandoj pri la bildoj.
AMUZIĜU!

Por ludi, bonvolu alklaku ligilon sub la bildo:

demandoludo

DEMANDOLUDO

http://scratch.mit.edu/projects/885198/

 

LERNU NUMEROJN PER LUDO

Ĉi tiu ludeto donas al vi eblecon lerni kaj ekzerci numerojn en esperanto.

Por ekludi premu la verdan flageton.

Se vi premas iun numeron vi aŭdas prononcadon.
Ankaŭ vi povas testi vian lernadon.

Por ludi, bonvolu alklaku la ligilon sub la bildo:

nombroj

 

LERNU NUMEROJN

http://scratch.mit.edu/projects/1372410/